Minister Presidente a recorda cu 5 aña pasa Aruba a haya e prome casonan di Covid

* “Un periodo hopi dificil pero nos a sali di dje mas fuerte y resiliente”

ORANJESTAD (AAN) -- Minister Presidente demisionario, Evelyn Wever-Croes, a yama un conferencia di prensa Diahuebs 13 di Maart awo, den cual el a elabora tocante e relato anual di su ministerio, pero prome cu referi na e tema aki, el a para un rato riba e fecha 13 di Maart 2020.

            Esaki ta e fecha cu cinco aña pasa Aruba a haya e prome casonan di Covid 19, y cu esaki a cuminza un periodo hopi dificil pa mayoria di nos comunidad. Premier Wever-Croes a expresa cu aworaki, cinco aña despues, nos por mira atras un periodo hopi dificil, cu ainda a laga su marcanan, pero cu Aruba a sa di sali di dje, mas fuerte y mas resiliente”, e dignatario a indica.