

ORANJESTAD (AAN): Siman pasa, Ministro demisionario Ursell Arends a firma e prome 20 permisonan nobo pa mas Taxi na Aruba.
Por corda cu desde comienso a bisa cu maneho di permiso di taxi mester ta basa riba oportunidad igual. Na 2023 a cuminsa cu e inventarizacion di esnan cu den pasado a aplica, y cu a parce di tin hende cu tin mas cu 20 aña wardando. Cu cambio den maneho a cuminsa trece structura y transparencia den e proceso.
E lista completo di esnan cu ta den pipeline pa ricibi permiso di taxi, basa riba zaaknummer, ta riba e website di publico.aw den e ‘tab’ di permiso.
DIARIO a compronde cu e prome 20 nan cu a wordo firma ta basa riba fecha di peticion, pues FIFO (first-in-first-out), kendenan a wordo contacta door di DTP pa presenta cu nan documentonan pa verifica nan cualificacion, etc, y den e caso aki e prome 20 nan ta Hulpchauffeur actual cu ta cumpli cu tur rekesito necesario.
Related News

Presidente di FTA ta reitera su preocupacion debi cu cantidad di trahado den sector HORECA...

'Caribe Wave 2025' ta hopi importante pa Aruba den cuadro di lansamento di e 'Multi Hazard...

Yen di ambiente y tur cos netchi den Parada Grandi di San Nicolas
