Kaylie Figaroa di TOB corona como Reina Grandi di Carnaval

ORANJESTAD (AAN): Diadomingo anochi den Aruba Entertainment Center a tuma lugar e eleccion di e di 71 edicion di Reina di Aruba su Carnaval 2025.

   Tres candidata a subi escenario pa asina competi den e eleccion aki, y huradonan sin duda alguno tabatin trabao duro pa haci.

   Candidatanan a bin cu nan fenomenal speech, cu show di kita sombre, y nan forma alegre y yen animo di baila riba escenario.

   E anochi a culmina ora cu prins y pancho a saca Kaylie Figaroa representando TOB Carnival Group como Reina Grandi di Carnaval 2025.

   Como prome finalista a wordo escogi Delany Wever representando Empire Carnival Group.

   E demas premionan tabata, remio di Mihor Trahe a bay pa Kaylie Figaroa (TOB), premio di Mihor Show a bay pa Kaylie Figaroa (TOB), premio di Mihor Speech a bay pa Kaylie Figaroa (TOB).

   Premio di Reina Popular a bay pa Kaylie Figaroa (TOB).  Premio di Reina Pay.Aw 2025 a bay pa Kaylie Figaroa (TOB).