Colegio EPI orguyoso di logro di nan docente den Aquathlon

ORANJESTAD (AAN): Docente- y alumnonan di Colegio EPI ta hopi contento y orguyo cu e logro di un docente di nan.

   Ta trata aki di docente Naomi Vrolijk di Unit S&S, cu a representa e scol den e recien evento di Aquathlon, organiza pa IBiSA.  Den su categoria di docente femenino, el a finaliza na di dos lugar.

   Segun Colegio EPI, e dedicacion di docente Naomi, cu su trabao duro y deportivismo di berdad ta inspira nan tur.  Pesey nan ta rindi homenahe na e docente aki pa su fabuloso logro.