Setar NV a firma acuerdo cu SMAC y Musica pa Carnaval 71

ORANJESTAD (AAN): Den luna di december Setar a sinta hunto cu miembronan di directiva di SMAC y Musica

pa un encuentro di firma p’asina formalisa e aporte financiero di Setar pa Carnaval 71.

   Setar ya pa mas cu dos decada ta aporta na e celebracion cultural di mas grandi di nos isla, esta Carnaval.

   Setar como sponsor oficial di Aruba su Carnaval ta desea SMAC, Musica, tur organizacion, gruponan, cantantenan, musiconan y bandanan hopi exito cu e preparacionnan. Di parti di Setar, nan ta cla pa ranca sali cu un otro temporada festivo pa celebra Carnaval 71.