E prome competencia di Dande

Tradicion di Dande

Na aña 1974 a organisa e prome competencia di Dande na Connie Francis Club na Santa Cruz. E competencia a keda organisa pa Harry Croes. E competencia a resulta den un exito rotundo.

E ganador a resulta Fani Ras.

Dia 27 di December 1974 a tene e prome competencia di Dande. E evento a tuma lugar den Connie Francis Club na Santa Cruz,

E tempo ey Harry Croes a sinti e necesidad pa rebiba Dande bao comunidad di Aruba. E paranda di Dande mes tabata pasa den un periodo basta duro. Segun cu Harry Croes a conta: den añanan 60-70 tabatin hopi fiesta di club cu bandanan di Curacao. Ora cu agrupacionnan di Dande pasa na casnan, mayoria di cas ta cera of si ta mas lat den dia, hendenan no ta habri porta di cas pa acepta e Dande y poco poco Aruba su folkor ta bay perdi.

Dande ta unico na mundo pasobra ta na Aruba so ta cant'e y celebr'e.

Esey a pone cu Harry Croes a tuma e iniciativa pa organisa un competencia di Dande. E tempo ey caba tabata tin un festival di Dande organisa pa un grupo na Brazil cu ya caba tabata haya un bon acogida.

Kico kiermen e palabra “"Dande"

E palabra “Dande” probablemente ta deriva di e palabra spaño “ Dandare “ cu ta significa parranda” y e verbo “parrandear” cu ta un termino colectivo (grupo) cu ta implica intencion festivo y di diberticion, tambe un grupo festivo y expresivo tocando instrumento o cantando, cu ta busca pa diberti y deleita. Un otro definicion ta “bay di un luga pa otro” of “diberti”. E expresion cultural Dande riba su mes por ser considera “un saludo”. Net despues di mei anochi e musiconan ta bishita casnan di famianan y amigonan den cual nan ta canta un serenata cu e miho deseonan pa cada miembro di e famia. Tambe nos por considera e Dande un saludo pa e aña nobo.

Tuma literalmente di investigacion di

drs. Vilmio Wester, Antropologo Cultural

Sugerencia pa literatura: Celia O. Thiel, Tambu Artesanal Tradicional di Aruba, 2012

Compila pa Roberto G. Croes

Nos Historia Nos Herencia