Gobierno Wever-Croes ta entrega Aruba herencia di honor!

Posibel proximo ministro den un gobierno nobo ta papia éxito logra

*Trabou incansabel ta habri un pagina di speranza pa futuro di Aruba 

ORANJESTAD (AAN) — Logro tras di logro ta loke Gobierno Evelyn Wever-Croes ta entrega na Aruba, e pais cu ta drenta un futuro carga cu speranza crea pa e forma historico cu a crea habri porta pa un futuro nobo pa e pais.

Ayera Aruba a tuma nota con e Ministro di Economia, Geoffrey Wever, a mustra cu Aruba pa di cuatro aña sigui ta aparece como pais cu e clima mas atractivo pa inversion den su region.

E declaracion di Ministro Wever ta bini na un momento cu un Gobierno nobo ta wordo forma den cual e partido na cual Ministro Wever awor ta aparece, ta wordo nombra como uno di e participantenan.

E hecho cu Aruba ta wordo considera atractivo pa inversionistanan ta papia di un Aruba cu un comunidad trankil, un ambiente positivo cu ta habri caminda pa negoshinan por bira grandi y participa na un economia cu ta duna fruta na e inversionista pero tambe e pais.

E anuncio di Ministro Geoffrey Wever di e nomber y reputacion cu awe Aruba ta goza di dje, sigur ta uno historico pa motibo di e forma cu Prome Ministro Evelyn Wever-Croes a a pone su nombernan na Gobiernonan cu hasta den pandemia a marca historia di progreso y bienestar di e pais.

E hecho cu Aruba ta bon pa inversionistanan ta habri porta pa mas crecemento pa Aruba y ta haci posibel pa Aruba y su poblacion conoce adelantonan social manera a wordo priminti den e pakete cu Prome Ministro Evelyn Wever-Croes a entrega na Aruba.

Na mes momento Aruba tin e seguridad cu e tin e placa disponibel di duna continuacion na e cifranan cu ta presente pa Aruba y cu ta papia cu awor e pais cu tabata tin debe tin fondo suficiente, y hasta un saldo positivo pa cumpli cu su debernan.

Gabinete Evelyn Wever-Croes 2 ta cera un termino di gobernacion historico den cual punto final a wordo pone na e desastre financiero y den crisis mundial y pandemia un futuro nobo di promesa a wordo habri pa Pueblo di Aruba.