Conocido Ildo Vrolijk a fayece Diasabra mainta

ORANJESTAD (AAN): Diasabra mainta a habri cu e informe, cu e conocido big wheeler local, esta Ildo Vrolijk a fayece cu edad di 83 aña.

   E tabata un comerciante exitoso cu a opera un imperio di red di catochi di Ildo’s Lottery, semper amistoso cu bondad pa yuda gruponan local, principalmente enfocando riba deporte.

   Aunke el a haya problema cu mobilidad, el a keda topa cu su famia y amigonan regularmente.  Pero e negoshi si a wordo pasa pa otro hende. Sinembargo recien el a bira malo y a wordo hospitaliza pa observa y atende e problema na un forma mas atento. 

   Diasabra mainta trempan a drenta informe cu el a fayece na su cas mes.

   Egilio Vrolijk a nace na Aruba dia 1 di September 1941, y ta casa cu Glenda.  Na famia, ex-empleadonan, y amigonan, DIARIO ta extende su mas profundo palabra di condolencia.