Scol Basico Xander Bogaerts cu island tour pa Dia di Mucha

ORANJESTAD (AAN): Durante siman cu a celebra Dia Internacional di Derecho di Mucha,

directiva y docentenan di Scol Basico Xander Bogaerts na San Nicolas a ofrece nan alumnonan un dia special di bay keiro rond di e isla, pa nan tur conoce poco mas di Aruba.

   Cu Bus e muchanan a pasa y bishita diferente lugar iconico di e isla, e.o. Alto Vista, Bushiribana, Faro di California, y tabatin sacamento na monton di potret.

   E dia aki tambe e muchanan a haya un pasaboca y algo di bebe.  Pero lo mas importante ta cu na tur hunto a cera mihor lazo di amistad, haya mihor contacto cu nan docentenan, y lo mas importante nan por tin mas aprecio pa e buniteza di e isla.