Diadomingo atardi Sinterklaas a yega Aruba

ORANJESTAD (AAN):   Riba tereno di APA NV. a yama bon bini na Sinterklaas y su Pietjes.

Por a mira cu un publico grandi, y mas cu claro hopi mucha tabata contento di por a mira Sinterklaas un biaha mas, ya cu nan a warda un aña henter.

Minister Xiomara Maduro a duna nan e ricibimento hunto cu Director di APA NV. na Sinterklaas, kende awor lo tin hopi trabao pa haci den e temporada aki di Pasco y fin di aña.

Pa finalisa e ceremonia di bon bini a sigui cu un bunita parada. Bon bini na Aruba Sinterklaas.