Wardacosta a intercepta boto cu 22 venezolano indocumenta cerca Curaçao

ORANJESTAD (AAN): Tabata Diadomingo marduga cu Wardacosta di Caribe Hulandes a bin detecta un boto ta nabegando direccion di Klein Curaçao. 

Mesora Centro MOC di Wardacosta, a dicidi laga un unidad di reaccion rapido, abordo di un boto Metal Shark nabega rumbo pa e area.

   Abordo di e Metal Shark tabatin un team di personal di Wardacosta cu a bay pa sector di Klein Curaçao.  Ora cu nan a yega eynan, nan a bin topa cu un boto tipo yola cu total di 22 persona indocumenta abordo.

   Ta trata di 22 Venezolano, di cual 14 ta homber, 8 ta muher, y tin 2 menor di edad tambe.

   Nan tur a wordo hiba pa e Pier di Wardacosta na Curaçao, unda e hendenan aki a wordo pasa pa Cuerpo Policial di Curaçao.