Dunando tips balioso ora alumnonan di Colegio EPI subi caya pa busca trabao

 ORANJESTAD (AAN): Recientemente Departamento di Progreso Laboral DPL, hunto cu Colegio EPI,

a organiza un sesion informativo pa duna alumnonan un mihor bista riba e proceso con pa nan ta bon prepara pa drenta mercado laboral.

   E mainta informativo aki tabata for di 11:00 am te cu 12:15 pm den Auditorio di EPI.  Na e presentacion aki studiantenan di tur cuatro Unit di Aña 2 tabata presente pa asina por compronde e esencia di con pa crece como profesional.

   Danki na e sesion aki, awor e studiantenan di Colegio EPI a wordo bon ekipa cu informacion y tipnan practico pa ta mihor prepara pa subi mercado laboral.

   DIARIO a compronde cu e tabata un sesion educativo, y sigur un ‘eye opener’ unda Richenel Stamper a elabora mas riba e proceso di busca y haya un trabao via di un entrevista laboral.

   DPL ta contento cu Colegio EPI a organiza esaki, y a keda demostra via e sesion aki, cu hunto por crea progreso laboral.  Na final a entrega Sr. Stamper un cariñito tambe.