Gobernador a tuma e decision diabierna pa retira Endy Croes for di su funcion di minister

ORANJESTAD (AAN):  Gobernador di Aruba, Alfonso Boekhoudt a tuma e decision diabierna pa retira señor E.J.H. Croes for di su funcion di minister.

            E decision pa retira minister Croes a wordo tuma despues cu a sali na cla den Parlamento durante un reunion publico dia 15 di oktober 2024, cu e minister no tin e confiansa mas di Parlamento.

            Señor E.J.H. Croes a pidi despues den un carta cu fecha 16 di oktober 2024 pa e wordo retira como minister responsabel pa Ministerio di Enseñansa y Deporte.