Starbucks Foundation cu donacion haci na ‘Trampolin pa Trabao’

ORANJESTAD (AAN): Esaki ta un bon noticia!  “Trampolin pa Trabao” a worde seleciona pa recibi un donacion di $10.000 como parti di e programa di Beca di Impacto Comunitario Global di Starbucks Foundation.

   “Trampolin pa Trabao” ta un organizacion sin fin di lucro na Aruba cu ta dedica na yuda personanan cu limitacion pa haya y mantene empleo. Door di train y traha na Trampolin pa Trabao, personanan cu limitación ta haya experiencia laboral y desaroya nan abilidadnan social y cognitivo, pa despues por forma parti di e sector laboral.

   Door di e programa unico aki, Starbucks Aruba a nomina “Trampolin pa Trabao” pa sostene nan proyecto y ofrece entrenamento pa trabao, guía di empleo, y empoderamento pa persona nan cu limitacion. Starbucks Aruba ta orgulloso di por a worde selectiona como un di e mercadonan pa por yuda na nos comunidad local cu un suma cu sigur lo haci un impacto den desaroyo di un organizacion local, asina Señora Wanda Broeksema disctrict Manager di Starbucks Aruba a declara.

   Ken ta “Trampolin pa Trabao”: E organización a keda funda na aña 2009 door di Asociacion Sonrisa, y ta traha pa ofrece oportunidad di empleo na personanan cu limitacion for di edad di 17 aña bay ariba cu ta enfrenta dificultad pa yega na e mercado di trabao debi na varios limitacion. Atraves di un programa structura cu ta involucra entrenamento, structura y eventualmente empleo, Trampolin ta ofrece un espacio pa su clientenan por haya experiencia di trabao y desaroya nan habilidad social.

   E organizacion tambe ta cordina un “self-sustaining” cushina cu ta ofrece servicio di catering na localnan y clientenan priva, asina ta ofrece oportunidad di empleo adicional y oportunidad di desaroyo di habilidad pa su clientenan. E meta di Trampolin ta pa yuda su clientenan cu empresarionan local cu ta balora nan talento unico y potencial.

   E donacion aki tabata un regalo inespera alaves “na ora” pa “Trampolin pa Trabao,” como cu nan tabata planificando un proyecto di un “coffee shop” unico pa e aña cu ta bin. E donacion di $10.000 lo ta instrumental pa lanza esaki, y alavez lo emplea diferente personanan cu limitacion.

   Starbucks Foundation Global Community Impact Grants: E programa di Becas di Impacto Comunitario Global di Starbucks Foundation ta sostene organizacionnan “non-profit”cu ta eherse programa nan cu ta crea un impacto local of regional significativo, ampliando e ambicion di e compania pa contribuí positivamente na nos comunidad.

   Desde cu a lanza di e programa na 2022, Starbucks Foundation a reparti mas cu $10 million na mas cu 150 organizacion “non-profit” atraves di mas cu 60 mercado.

  Desde comienso, Starbucks a destaca y perfila su mes como un compania diferente – un cu ta prioritisa nan partners (empleadonan), clientenan, y e comunidad cu nan ta sirbi coffee diariamente, asina Brady Brewer, CEO International na Starbucks y miembro di equipo di The Starbucks Foundation a declara.