2025 por habri sin pagara pero si cu basta huma!

Den porta di eleccion un mundo ta rementa pafor di Aruba

• Aruba ta eligi gobernantenan nobo den un crisis mundial
• Kico ta e plannan di nobatonan den un situacion preocupante 

ORANJESTAD (AAN) Aruba ta yegando su fecha di eleccion.

Un lista largo di candidato ta spera e momento cu Voz di Pueblo a resona y ta bira conoci kende lo ta e personanan cu lo por yama nan mes Miembronan di Parlamento di Aruba of  Ministro di Aruba.

Mientras San Nicolas lo subi barco pa bolbe Spaña y musica ta yena caya pa spera 2025, pafor di costa di Aruba tin un realidad mundial sumamente pisa.

Kico ta spera mundo na 2025?

E pregunta grandi cu e contesta cu lo dicidi pa loke lo pasa cu mundo durante e 12 lunanan cu ta forma 2025.

Mientras Aruba ta conoci cu e problema pa pagaranan rementa den caya na 2025, pafor di Aruba situacionnan pio cu pagara pa rementa y contestanan cu a busca pero cu no ta wordo contesta manera debe ser dor di candidatonan pa goberna Aruba.

Aparentemente ni e hecho cu e ex Ministro Presidente di Hulanda, Mark Rutte awor ta dirigente di NATO, ta haci cu na e parti tropico di Reino Hulandes den Caribe, ta para realmente keto pa loke por pasa na un mundo cu aparentemente ta perde compas.

Na vispera di eleccion 2024 na Aruba, por scucha cantidad di plannan di politiconan pa nan realiza na momento cu nan logra haya e poder cu eleccion ta pone den nan man.

Pero con e lista largo di nobato di sigur politiconan cu nunca a tabata tin asiento den un Gobierno, ta pensa cu nan lo dirigi Aruba si un crisis mundial realmente rementa?

Mientras na un forma masivo, mundo politico di Aruba tabata prepara pa eleccion, DIARIO a trata na haya un impresion di loke realmente por spera di nan si un situacion serio manifesta su mes na un mundo, cu tin aparencia di un pagara grandi.

Aruba ta yega su dia di eleccion, cu lo entrega e pais Miembronan di Parlamento y gobernantenan nobo na un momento cu mundo ta den crisis.

Por sigui insisti cu nada ta pasa, pero ora tuma nota di tur loke ta pasa y ainda mester pasa e siman aki, e pregunta serio ta keda si mas atencion no mester a worde dedica, na loke sigur nobatonan tin riba nan programa pa enfrenta cualkier sorpresa mundial.

No mester di guera mundial, pero ta situacionnan serio ta presenta cu por afecta henter economia mundial y sigur loke un pais chikito tin riba su programa.

Fecha di eleccion a bati na porta di Aruba, cu a conoce un participacion enorme di hende cu ta sinti nan mes yama pa goberna e pais.

Awor con lo goberna e pais, si situacion mundial pone tur hende na careda?

E partido na mando y esnan cu experiencia por papia. Pero cual ta e plannan di tanto otro candidato cu ta presenta nan mes como posibel dirigente di un pais, cu no a scucha kico nan lo haci si un crisis mundial pone mundo politico a careda.