𝐑𝐞𝐬𝐮𝐦𝐞𝐧 𝐬𝐞𝐦𝐚𝐧𝐚𝐥 𝐝𝐢 𝐜𝐚𝐬𝐨𝐧𝐚𝐧 𝐝𝐢 𝐂𝐎𝐕𝐈𝐃-𝟏𝟗 𝐧𝐚 𝐀𝐫𝐮𝐛𝐚

Cantidad di esnan infecta pa dia y pa siman ta subiendo --- *Tin 4 persona interna na Hospital

ORANJESTAD (AAN): Segun resumen semanal di diabierna, 256 persona a recupera den e siman aki y un total di 343 caso nobo di COVID-19 a keda registra.

E cantidad di casonan activo di COVID-19 ta 203 y cantidad di fayecidonan relaciona cu COVID-19 ta 212.

Datonan ta ilustra casonan nobo di COVID-19 cu un averahe semanal di 49 caso positivo pa dia y un averahe di 'Positivity rate' semanal di 58% pa dia.

E cifranan aki ta indicacion cu nos comunidad mester mehora e aplicacion di e medidanan personal di prevencion ya cu cantidad di esnan infecta pa dia y pa siman ta subiendo.

Actualmente na Aruba tin 4 persona interna cu of debi na COVID-19 di cual tur ta riba piso general y na Colombia no tin ningun pashent di COVID mas. 

Ban cumpli cu disciplina pa cuida nos mes y otronan pa evita cu e virus ta sigui plama.