Weganan Interinsular ta cuminsa otro siman na Aruba

The content originally appeared on: Diario

ORANJESTAD (AAN): Dialuna durante un conferencia di prensa di Gobierno,

minister di Enseñanza y Deporte Endy Croes a indica cu Weganan Insular ta bay ta bek.

Despues cu e weganan a wordo para pa 6 aña, tur cos a cuminza bek na 2023.

E aña aki ta bay ta di dos aña consecutivo cu e Weganan Interinsular ta bay ta bek riba agenda.

E evento ta bay tuma lugar na Aruba, Boneiro y Corsow, unda cu a aumenta e cantidad di deporte di 6 pa 9.

Tres deporte ta bay tuma lugar riba cada isla.

Aruba ta bay ta anfitrion di e weganan di ahedrez, dam

y trefbal pa mucha muher.

E weganan ey ta bay tuma lugar di 29 di Februari te cu 3 di Maart.

Despues di esaki di 14 di Maart te cu 17 di Maart na Boneiro ta bay tuma lugar aquathlon, basketball 3 contra 3 pa mucha homber di scol basico y futbol pa mucha muher.

Di 11 pa 14 di April e weganan ta bay ta na Corsow, unda cu lo tin weganan di basketball di 3 contra 3, volleyball y atletismo pa scolnan secundario.