Vocero Policial Lito Lacle ta confirma cu berdad polis su man ta mara door di Ley LTU art. 33

admin

ORANJESTAD (AAN) – Matutino DIARIO a entrevista señor Lito Lacle, vocero di Cuerpo Policial, tocante e ley di 2008 cu ta stipula cu polis no por detene personanan ilegal, ni pidi nan documentonan si nan sospecha cu e persona ey ta ilegal.

Señor Lito Lacle a menciona cu enberdad, diaranzon el a bin compronde, den e editorial di DIARIO, cu polis su man ta mara, y el a confirma cu segun articulo 33 di LTU, cu ta encera toelating, uitlating y expulsion, cu ta data di aña 2008, solamente e bijnaamsbesluit di ambtenaarnan por controla personanan ilegal y puntra nan pa nan papelnan, etc. Desde 2008 te aworaki e ley no a wordo cambia.

Prome cu esey, Cuerpo Policial tabata tin un “Bureu Opsporing” (oficina di deteccion) bao liderazgo di Meneer Kelly, cu tabata eherce e trabao aki. Pero desde 2008 cu e ley a cambia (e LTU) y a kita e autoridad for di KPA, a bay over na e Landsbesluit bij naamsbesluit di ambtenaarnan lo por haci esaki.

El a reitera cu basa riba e articulo 33 di e ley di LTU Polis no por eherce e control. Sr. Lacle a indica cu despues di e osporing si polis por interveni y bay over na eherce e resto di e control.

Pero polis no por acerca un auto pa pidi e papelnan di e persona conforme dicho ley articulo 33.

Vocero policial a subraya cu despues di e editorial di DIARIO, e no sa kico Alto Mando policial ta bay haci, pero e por confirma cu enberdad articulo 33 ta bisa asina, aunke cu polis ta haci su maximo esfuerzo y teniendo cuenta cu e problematica di “pazuid” algo mester wordo haci.

Unico cos cu polis por haci ta mantene e orden publico, pero nan, definitivamente, no por haci control, el a reitera cu enfasis. Sr. Lito Lacle ta asumi cu esaki solamente por wordo haci door di personal di Warda Nos Costa, Guardacosta y IASA. Si ta asina cu den combinacion entre e instancianan aki y polis, nan ta trahando pa purba tapa e buraco cu tin den e ley aki.

Si tin ilegal ta wordo sospecha di ta trahando ilegal den un establecimento, mihor cos cu por haci ta yama Warda Nos Costa, vocero policial a señala. E ta sinti cu polis berdad, su man ta mara cu e ley aki di 2008. E gobierno cu ta na mando ainda of esun cu lo bin mester cambia e ley aki pa polis bolbe haya autoridad.

Next Post

Fuel Oil ta enemigo number un di WEB

ORANJESTAD(AAN): Sin duda alguno, Fuel Oil ta e enemigo number un di WEB segun Director Luis Oduber. WEB Aruba NV a traha semper cu steam pa draai e turbine di vapor. A keda busca alternativa buscando motornan Recipe. Di 2006 pa awo a baha 46% di uso di Fuel Oil. […]