Un biaha mas bes mas accion riba laman di Guardacosta y Cuerpo Policial di Aruba

The content originally appeared on: Diario

ORANJESTAD (AAN): Tabata Diadomingo anochi, cu personal di Cuerpo Policial Arubano cu ta vigilando marine-radar rond di Aruba, a mira algo no-identifica ta moviendo.


    Diadomingo anochi 12 di december, Wardacosta den bon cooperacion cu radar kamer di KPA, a subi lama pa bay check e movimento aki.

   Di e forma ey, nan a bin intercepta un nave di boto Sea-Doo cu dos persona masculino riba dje, procedente di Venezuela.

   E personanan aki a intenta di drenta Aruba ilegalmente coriendo un Sea-Doo.

   E detencion no a bay facil mirando cu e capitan no kier a para pa autoridad.  Pero na final nan a logra stop esaki.

   Guardacosta a bay cu e Sea-Doo rumbo pa e pier di Marinierskazerne na Savaneta, y e Sea-Doo a keda confisca.

   E capitan a keda deteni y a worde transporta pa Warda di Polis pendiente investigacion.

   Loke ta demostra aki, ta cu e sistema di Marine-Radar instala rond di Aruba, por detecta hasta un Sea-Doo chikito. 

Y alavez e ta demostra ta con leu nan ta bay na Venezuela pa busca forma pa drenta e isla ilegalmente.