Un aerolinea so ta bulando for di Aruba pero e plan ta pa expande

admin

ORANJESTAD  (AAN): Den combersacion cu Edwin Kelly, director di Aviacion Civil, riba e interes di mas aerolinea local. Pasobra nos ta depende di un aerolinea cu probablemente no ta 100% local.

El a splica cu na Aruba tur aerolinea mester cumpli cu cierto leynan, rekisitonan pa bin na remarca pa cuminsa.

Tur aerolinea cu tin awor aki ta aerolineanan local. Tin un so, cu ta haciendo vuelo y nan tin plannan pa expande. Awor aki ta bezig ta evaluando kico ta bay haci. Tin diferente otro partidonan interesa y ta bezig ta wak e beleid con ta bay tuma nan, cuanto ta bay tuma y den ki secuencia. Tambe dependiendo di e necesidad nacional cu tin por ehempel e prioridad awor aki, ta interisland. Awor aki ta spera den temporada corto, toch por tin bon noticia tocante di esey.

 

Cuanto por dura pa bon noticia

Segun Kelly ta dificil pa bisa pasobra no ta den man di Aviacion Civil. Ta papiando aki di temporada basta cortico cu por tin mas competencia riba e ruta. Esey ta importante. Mas aerolinea tin, por tin mas competencia, prijs ta bay mas abao, servicio ta bira miho y esey ta loke Aviacion Civil ta stimula pa sosode.

 

Keho

Kelly a sigui splica cu a anuncia den pasado y ta bezig cu un ley cu ta na Directie Wetgeving awor aki pa proteha e interes di e pasahero y tambe di un otro banda, ta purba di stimula transporte riba e liña, vooral Aruba-Corsou, Aruba Boneiro, pa tin mas competencia. Obviamente ta un liña hopi fragil, pasobra bo no por tin 10 aerolinea tampoco riba e ruta, pasobra un ta mata otro y ta haya e mesun problema bek. Ta algo cu ta bezig ta wak den e maneho hopi cauteloso, pa por tin un maneho coherente cu di un banda ta sigura cu tin competencia, cu tin mas cu un aerolinea ta bula. Pero di un otro banda ta proteha e ruta tambe pa no tin dimas aerolinea ta bula cu despues un ta mata otro.

 

Exigencianan

Kelly a splica cu diferente reunion a tuma luga y awor aki nan ta tiki mas streng tambe, den kende nan ta admiti y kende nan ta duna e AOC. Tambe pa evita cu despues ta bay tin diferente compania cu bo por ta sigur riba termino corto, pero no riba termino largo. Ta prefera pa tin algun compania, pero cu despues riba termino largo ta stabil y cu tin companianan fuerte caminda cu orguyo ta carga e nomber di Aruba tambe internacionalmente. Exigencianan tabata tin hopi. Tanto riba nivel financiero, riba nivel economico, pero tambe riba nivel operacional tecnico, cu tin cu cumpli cun’e. Awor ta mas streng riba prescreening tambe. Prome cu bay den e proceso pa laga un grupo aplica, cu ta haci un sorto di prescreening pa wak tambe cu en berdad e personanan ta serio, nan tin placa en berdad y cu nan ta dispuesto pa lanta un aerolinea cu ta serio tambe.

 

Insel Air

Semper ora cu tuma un decision manera den e caso di Insel Air, nan no ta haci’e zomaar. Nan ta bisa e aerolinea kico pa haci pa e avionnan por bula bek. Den e caso di Insel Air tambe. Ta para avion, pero a bisanan cu nan tin cu cumpli cu cierto exigencianan pa e avionnan por bula bek. Na e momento ey e ta den nan man. Lastimamente, den e caso di Insel Air, nan tabata tin mas problema. No ta di esaki so. Nan tabata tin diferente cos tabata pasando na e mesun momento cu tabata un challenge pa nan.

Aviacion Civil ora di para avion ta bisa kico pa haci pa e avionnan por bula bek. No ta e intencion pa e avionnan keda para pa semper.

E compania cu tin un AOC di Corsou, ta cay bao di responsabilidad di Corsou. Sinembargo ta controla nan riba rampa regularmente y si haya discrepancia ta tuma accion tambe riba nan. Tin nan bon vigila, segun Kelly.

 

Interesnan di exterior

Edwin Kelly di Departamento di Aviacion Civil a comenta cu e rol di nan ta dos banda. Nan ta duna permiso pa aerolineanan di afo bula pa Aruba, di acuerdo cu e bilateralnan cu nan tin vigente pa e pais di origen di e aerolinea eynan. Di dos banda, tin un rol di safety tambe. Tin un programa di siguridad di rampa, unda cu ta tira spotcheck riba tur aerolinea y e un mas cu otro, depende di e riesgo. Esey ta haci’e regularmente. Awor por bisa tambe cu ta trahando hopi cu Hulanda. Tin un inspector caba y e otro inspector ta casi cla cu e opleiding pa haci’e, segun e normanan Europeo. Esey ta encera cu na e momento cu haci inspectie na Aruba, e ta valido pa full Europa tambe. Esey ta un proyecto cu Aviacion Civil ta bezig cun’e, pa upgrade su inspectornan riba nivel di Europa.

 

Next Post

Diesdos hoben di Grupo 11 Formacion Social a haya nan baret

ORANJESTAD    (AAN) – Despues di a finalisa e fase di “deadpoint” di Grupo II di Formacion Social, e momento a yega pa nan ricibi nan baret, despues di a finalisa e fase militar cu exito. Esaki a tuma luga diaranson mainta den presencia di Prome Minister Mike Eman y e […]