Turistanan gozando di nan tour riba bicicleta

ORANJESTAD (AAN): Den e dianan aki, por a mira gruponan grandi di turista, coriendo rond Aruba, na un forma hopi relahante y siguiendo instruccion den un “Bicicle Tour”.

   E ta algo cu visiblemente tabata haciendo e turistanan feliz, admirando e isla mientras ta goza di e brisa fresco, y paisahe di e isla.

   Pesey un yamada ta bay na tur autmobilistanan coriendo rond, pa tene extra atencion pa e gruponan aki, ser cortez y amable den trafico, pa asina e turistanan aki por hiba bunita recuerdo di Aruba y ta haci nan bini back.

   Riba e potretnan aki por mira momento cu fotografo di DIARIO a topa cu un grupo di nan, mustrando di ta hopi feliz coriendo rond y conociendo Aruba for di perspectiva di ciclista.