Tur importador di clapchi tabata na altura e reglanan

admin

Rubin Ponson di DOW despues di temporada di benta di clapchi den 2016:

Tur importador di clapchi tabata na altura e reglananORANJESTAD(AAN): Un otro discusion cu tabata tin e fin di e aña aki durante benta di clapchi, ta e cantidad di localidad cu no tabata poni tanto meter for di caminda, poni na un luga robes, pero toch tabata un permiso caba y eynan tabata tin discusion. Si tin keuring prome cu yega cu e control. Tur esey ta discusionnan. Con por evita tipo di problemanan aki ta pregunta pa experto den explosivo, Rubin Ponson, di DOW.

   El a splica cu tin luga cu ya for di tempran ta premira cu e situacion no ta duna pa pone un container. Tin otro luganan cu si tin un posibilidad cu nan por pone un container, pero ora yega momento di bay pon’e, nan ta pone un otro caminda y esey ta haci e situacion poco fastioso. Tin di nan kisas a lubida di pidi un permiso y despues nan ta pidie ainda. Kisas via otro canalnan nan ta logra yega na un permiso pa toch bende nan clapchi y kisas esaki a pasa sin e controlnan.

   Semper e controlnan ta tuma luga back despues cu nan habri.

   Segun Ponson, tur ta na altura di tur e reglanan. E reglanan ta poni pa tur hende yega na dje pa por haya. Pero hopi ta esnan cu no ta lesa nan regla of no sa di esakinan mes. E ora ey tin biaha haci cosnan aki un tiki for di regla. Ponson ta kere cu permisonan ta worde duna riba e pensamento cu tur hende mester por conoce nan reglanan. Y ta bisa semper ta haya permiso y e controlnan ta bin despues. Mester por sa con pa tene na e reglanan.

    Importador:

    Ponson a sigui splica cu durante aña tin reunion. Ta bay e aña aki purba di tempran reuni cu e importadornan mas tanto. Esakinan ta esun cu ta pasa e mensahe pa tur e rebendedonan y e importador ta esun importante cu ta hunga un rol den esaki riba e cantidad di clapchi cu ta worde importa cu ta haci diferencia cu ta esun cu ta bay sobra tambe. Eynan ta bay purba di yega tambe pa minimalisa esaki.

   Sa cu algun aña pasa esaki a worde purba caba, door di traha un asociacion of fundacion di bendedonan di clapchi. Esaki no a wanta mucho. Pa DOW e tabata bon pasobra ora cu ta bay dirigi bo mes na un solo persona of un grupo chikito di persona cu mester pasa e mensahe. E no a wanta. Ta duna e impresion kisas cu nan no ta di acuerdo cu otro con pa yega na cierto palabracionnan, pero den e caso aki e comision di vuurwerk mes lo haci e trabao pa yama e importadornan y wak pa purba toch logra e mayoria pa atende na e reunionnan aki pa purba di papia cu nan.

   E intencion ta pa e importadornan trece nan banda y e comision di vuurwerk su banda y yega na un miho solucion pa esaki.

    Deseo:

    Ponson a splica cu mirando con e benta a bay den e ultimo añanan, lo purba di bin cu algun cambio y esaki lo bay worde treci cerca nan tambe pa por wak kico nan ta pensa di esakinan.

   E cambionan ta necesario, mirando e situacion na Aruba no ta manera antes. Ta papiando aki di tanto cas cu tin, tanto edificio cu tin, otro terenonan cu ta reserva, manera Parke Arikok cu tin zonanan grandi reserva. Na momento cu sobra clapchi, e ta bira dificil pa Gobierno scoge un luga pa deshaci di esakinan y esey ta un punto cu lo tin cu worde treci dilanti, pa wak con ta haci esaki. Practicamente no tin luga mas pa haci e trabaonan aki.

   No ta cuestion di caba cu e tradicion di tiramento di clapchi. Tin un grupo grandi na Aruba cu toch ta celebr’e di e forma aki. Hopi ta esnan cu ta goza di e tiramento di clapchi pa fin di aña y esey semper ta purba di manten’e, segun Ponson.

Next Post

Departamento di Emergencia a atende 243 pashent

Durante fin di aña y aña nobo OIRANJESTAD    (AAN): Departamento di Emergencia na Dr. Horacio E. Oduber Hospitaal tabata basta ocupa durante e ultimo dianan pero tabata prepara pa esaki, atendiendo un total di 243 pashent. Durante fin di aña y aña nobo, cuminsando desde 30 di december 2016 pa […]