Training anual “Barracuda Warrior” a keda completa

The content originally appeared on: Diario

ORANJESTAD (AAN):  E entrenamento militar anual, cu ta carga e nomber “Barracuda Warrior”, e aña aki a tuma luga na Corsou entre 15 – 29 di Januari.

E training a trece varios unidad di Region Caribe Hulandes hunto, entre otro e ‘Marine Squadron Carib’ di Aruba, e Destacamento di Marina di Sint Maarten, e Peloton di Boto di Corsou,  ‘Compagnie in de West’ y un peloton di Militarnan di Corsou. Un totalidad di 185 militar a participa na e entrenamento.

            Meta di e ehercicio tabata pa reforsa e colaboracion entre e diferente unidadnan, cu normalmente ta staciona riba diferente isla.  E actividadnan durante Barracuda Warrior entre otro ta contene, ehercicionan di tiramento, caredanan anfibio (tanto den dia como marduga), operacionnan den areanan urbanisa, y simulacion di atakenan plane y no-planea.

            E Militarnan di Corsou cu mas frecuencia ta participa na entrenamentonan militar grandi, den cuadro di continuacion di profesionalismo di Militarnan di Caribe Hulandes. Banda di esey, e ehercicio conhunto ta expande e eficacia operacional.

            Barracuda Warrior ta keda un ehercicio militar importante pa promove preparacionn y union di forsanan maritimo y terestre  den Region Caribe Hulandes. Esaki ta sostene  e mision di Defensa den Region Caribe Hulandes: brinda paz y seguridad den region.