Trabaonan di D.O.W ta continua den area Noord/Turibana entrante Dialuna

The content originally appeared on: Diario

ORANJESTAD (AAN): Diahuebs D.O.W a tene un rueda di prensa, unda cu director Marlon Croes a papia riba e trabaonan di reconstruccion cu D.O.W ta bay haci riba e pida caminda di Noord/Turibana.

“Manera ta conoci nos a cuminza haci trabao for di e parti di MFA Noord te despues di e cruzada di Café 080”.

Aworaki nos ta preparando pa Dialuna awor dia 4 di October nos bay haci e pida for di unda cu nos a keda, te cu JR Auto Center, segun Croes.

El a splica cu e trabaonan lo dura alrededor di 3 siman largo.

E director di D.O.W a splica cu fase 1 y fase 2 a tuma lugar caba y fase 3 ta bay cuminza for di Alvarezstraat y ta bay te cu cruzada T te na altura di e hardware home center/Agua Azul apartments.

Fase number 4 lo cuminza for di e hardware home center y ta bay te cu panaderia/pasteleria Del Campo.

E di 5 fase ta bay ta di e panaderia te cu Turibana.

 Croes a splica cu e trabaonan ta bay ta di 7’or di mainta te cu 7’or di anochi.

“Nos ta bay kita e asfalt, drecha e fundeshi y pone asfalt nobo”.

Nos ta pone un onderlaag prome den pida pida, pero e toplaag nos ta tire den un solo tira, pa e wordo haci mas mihor posibel, segun e director, kende a splica cu debi na e trabaonan ta bay tin cambionan di ruta.

Cada fase ta bin cu su cambionan, unda cu e intencion ta pa e cambionan ta mas chikito posibel.

Croes a splica cu e borchinan lo dirigi e trafico debidamente.