Tin entre 32 pa 35 dump ilegal

admin

ORANJESTAD   (AAN): Samuel Dumfries kende ta consehero di Minister di Mike de Mesa, a conta un tiki riba e kehonan pa loke ta dumpnan ilegal, etc. Ta hopi importante pa realisa tur esnan cu ta haciendo loke nan ta haciendo, ocasionando dumpnan ilegal, nan tin ningun idea con e impacto ta riba sociedad. Si tin kimamento cu berdad hendenan ta haya polucion di aire, tin cierto normanan caminda cu bo por coba den e tera y nan ta coba unda cu ta. Nos awa di tera ta wordo contamina.

Tin diferente aspecto cu no ta bon pa nos comunidad. E ta hopi importante pa esnan cu ta haciendo esey realisa cu e impacto cu tin di e accion ta bira reaccion. Bo ta haciendo algo cu tin influencia riba nos comunidad. Nos muchanan, esnan cu ta bin despues di nos. Pesey mes tin e comision di 0 tolerancia pa por stop tur esakinan. Tin diferente ordenansa cu nos por aplica y esey lo kier haci tambe. Lo mas importante ta e concientisacion pa esnan cu ta haciendo esey, cu por gana placa riba dje, pero imagina e consecuencia pa bo yiunan y yiu di otro hende y tambe e diferente generacion. Esey mester stop.

Minister de Meza kier pa eseynan stop. Awor aki ta bezig pa actua pa para esaki.

 

Cuanto dump ilegal

Si sa cu tin mas of menos entre 32 pa 35 dump ilegal. Via DNM lo bay update tur cos, cua ta e dumpnan pa eseynan, dentro di algun siman, por pone riba mapa y pa por actua riba esakinan.

 

Dumpnan activo

Tin algun dump activo awo. Manera esun di Tamarijn, tin algun cu ta activo tambe y eseynan kier acerca e doñonan, cuminsa papia cu nan prome pa nan realisa cu locual nan ta haciendo no ta bon. A pone nan na altura riba carta, cu una bes tin esey lo publica esakinan tambe.

 

Cera tur dump ilegal ki ta pasa

Dump di Parkietenbos ta basta druk. Segun Dumfries, Minister de Meza ta bezig cu un proyecto pa bin cu un alternativa manera incinerators pa por pone tur e sushi cu tin caba bira menos y pa asina por vang op locual berdad e dump di Parkietenbos cu ta yen. Tin e solucionnan caba y ta bezig cu nan.

 

Accion

Gobierno ta duna e hendenan aki e espacio. Ta papia cu nan pa realisa cu nan ta haciendo no ta bon. Si nan no haci caso, lo bin cierto sancion. Pasobra tin e ey cu ta proteha pais Aruba y tin ley cu ta bisa cu bo ta haciendo cosnan ilegal. E consecuencianan lo ta pabo persona, e ora si bo ta haciendo cosnan ilegal, segun Dumfries.

 

 

Next Post

Hobby Lobby Fined $3 Million Over Smuggled Iraqi Artifacts

The arts-and-crafts chain Hobby Lobby was ordered to pay a $3 million fine over a federal case that was centered around smuggled Iraqi antiquities on Wednesday, according to NBC News. The Oklahoma-based retail said they would forfeit the thousands of clay artifacts they purchased in 2010 after prosecutors alleged they […]