Team local di Baseball veterano a bay participa na World Series na Arizona

The content originally appeared on: Diario

ORANJESTAD (AAN): E team di veterano na Aruba, esta ‘Leftovers’ cu a bira campeon di Baseball 40 Plus di Aruba,

a sali den fin di siman rumbo pa Merca.  Nan lo bay ta participando den e World Series Baseball 40 Plus, cu ta tumando lugar na Scottsdale, Arizona.

   DIARIO a compronde cu awe mes Dialuna, nan lo tin e prome dos weganan.  Nan prome wega ta Dialuna mainta contra e team di San Antonio Titans.

   Den National Division, cu ta e division mas halto di e torneo, e team ‘Leftovers’ di Aruba lo bay bataya cu 6 team internacional pa e titulo maximo.

   A compronde cu e weganan mes lo wordo hunga entre otro den Stadionnan di Spring Training di equiponan di Major League Baseball.

   DIARIO ta desea e team tur clase di exito.