Team Aruba U15 Girls tin dos wega gana na campeonato Concacaf na Tampa

The content originally appeared on: Diario

ORANJESTAD (AAN)- E team di Aruba U15 di muchanan muher ya tin dos wega gana aya na Tampa, Florida den e campeonato CONCACAF Girls Under 15.

Nan prome wega a tuma lugar Diadomingo den un higra di solo di 36 grado, Aruba a bataya den nan prome wega di Liga B contra di Honduras. Un wega sigur no facil pa nos muchanan mirando cu normal, Honduras ta hunga den un poule di nivel mas halto cu Aruba. Pero e seleccion aki tin un solo meta esta triunfa contra tur otro seleccion cu nan enfrenta y pa cu esey nan mester duna tur cu tin pa mantene nan status como un seleccion cu kier demostra su mes den un campeonato di Caribe.

Na e pitaso final mas cu claro e hungadornan, e delegacion y e fanaticada tabata super contento cu e prome victoria di e muchanan den e torneo di Concacaf unda Aruba ta logra nan prome victoria den un torneo di Concacaf. Sin mira e torneo aña pasa di CFU y awor Concacaf, e seleccion aki ta keto bay invicto y sin gol encontra den 6 wega.

Ayeramainta e seleccion di Aruba a enfrenta e team di Girls U15 di Bahamas. Y mester bisa cu un biaha mas e muchanan di Aruba a hunga cu alma y cuerpo y nan a gana e wega 10-0.

Nan siguiente wega lo ta mañan Diaranzon pa 9’or di mainta conta Virgen Island.

Pabien girls, ningun paso atras. Aruba completo ta super orguyoso di boso y sigui duna lo maximo cu boso por pa asina trece e trofeo pa Aruba.