Team 10U di Blue Marlins a titula Campeon den torneo “Baseball Classic 2022” na Republica Dominicana

The content originally appeared on: Diario

ORANJESTAD (AAN): Un biaha mas nos atletanan a mustra caliber den campeonatonan internacional.

Team 10U di Blue Marlins a titula Campeon den torneo “Baseball Classic 2022” na La Romana, Republica Dominicana.

Dos ekipo Blue Marlins y un ekipo di Aruba Center League a competi den e torneo internacional “Baseball Classic 2022” contra ekiponan di Venezuela, Colombia y Republica Dominicana. E muchanan a mustra hopi disciplina, dedicacion y determinacion den e torneo.

Pabien ta bay na tur e muchanan cu a haci nan maximo esfuerso contra e team invicto di Victor Brooks. Best Batter a bay pa Cayden Laclé; Most double pa Jeter Filiciana; MVP a bay pa Anthony Santos.

Hungadornan cu a forma parti di Blue Marlins Travel Team 10U ta Tyree Leocadia, Jeter Filiciana, Anthony Santos, Cayden Lacle, Michelangelo Paesch, Sha’iq Morris, Julie-ann Croes, Jordan Kelly, Geaden Tromp, Jeandré Geerman, Zyron Soriano, Achilles Delle.