Te dia 25 di Maart 2022 contenido di e Caso di asesinato di ‘Poentje Castro’ lo wordo trata

The content originally appeared on: Diario

ORANJESTAD (AAN) – Na final di e tratamento pro-forma den Corte, di parti di Ministerio Publico, e Fiscal encarga cu Relacionista Publico, esta mr. van der Biezen,

a duna informacion relaciona cu e caso di asesinato di e conocido presentador di television, John ‘Poentje’ Castro, diez aña pasa.

   Recientemente, e caso di Prof-Forma(caso penal) a tuma lugar contra un persona di fam Rasmijn, cu ta sospechoso di a comete e asesinato.

E caso no a wordo trata den su contenido ainda, y Huez a stipula e fecha riba cual e Caso lo bin dilanti. Sinembargo, tin pregunta di e parti di defensa, cu kier a indica cu e acusado no ta apto pa para dilanti Huez, y a pidi Huez pa suspende e Caso y esey kiermen cu e proceso penal no por sigui.

Van der Biezen a agrega cu pa haci esey Huez a pidi un rapport sikiatrico, y a duna un lapso di dos luna pa e docter Psikiatra bay traha riba dje; prome cu 15 di Februari, e mester ta cla, ya cu e fecha stipula pa trata e caso proforma ta 16 di Februari 2022, y dia 25 di Maart, ta wordo poni pa tratamento di e contenido.

Van der Biezen cu polis, den e caso aki, a haci un hopi bon trabao unda cu na cuminzamento di aña nan a revisa e “file case” aki y danki na nan esfuerzo, OM por a yega na puntonan concreto y na e sospechoso, cu ta deteni awo, y aki un par di luna lo por huzga si e ta culpable of no.

E funcionario a agrega cu diez aña pasa, ora e asesinato a tuma lugar, nomber di e acusado a wordo menciona caba, pero e no a drenta den detaye te dia cu e caso wordo trata den su contenido mes y cu OM por presenta e pruebanan cu tin.

Aworaki den su revision por a haya mas punto concreto cu por a yega na su detencion.