Te ainda aeropuerto no tin nada oficial encuanto Aerolineanan nobo cu lo bula riba e islanan ABC

admin

ORANJESTAD  (AAN): Te ainda aeropuerto ta traha cu e peticionnan cu ta worde haya oficial pa loke ta bulamento di Aruba pa Corsou y Boneiro. Ta mira e situacion hopi di cerca y tambe tin contacto di cerca cu Aviacion Civil.

Segun COO di aeropuerto, Jurgen Benschop, ta Aviacion Civil ta e autoridad na Aruba, cu por aproba un Airline Operative Certificate y ta oficial tambe cu ta duna e landing permitnan na aerolineanan cu ta bin Aruba.

A base di esey, cu nan tin un AOC, e ora nan ta haya di Aeropuerto un slot e ora pa wak e orario cu nan ta bin, si nan por worde acomoda of no.

Te ainda no a haya nada oficial. Ta mira e desaroyo cu tin cu InselAir y Aruba Airlines. Tin entre islanan hopi hende ta depende di e conexionnan aki, sea a base familiar of a base comercial pa bula entre e islanan. Locual si tin cu bisa, si wak historia, ta cu mayoria biaha, ora cu un aerolinea stop, tin otro ta tum’e over, pasobra e necesidad tey.

Pregunta mas grandi ta bira cuanto tempo tin cu warda pa esey tuma luga. E ta keda un decision comercial cu cada hende tin cu tuma.

Con ta handle retrasonan:

Jurgen Benschop a splica cu tin di compronde cu Aruba ta bezig ta pasando ley pa proteha pasahero. Esey no tabata tin den pasado. E leynan aki a bin na vigor despues di problemanan cu tabata tin cu un otro aerolinea local, caminda cu hopi pasahero a keda stranded. Ta yam’e na Aruba y aeropuerto, caminda cu aeropuerto mes a tuma paso pa garantisa pa nan keda haya un bon servicio y bon trato. Aruba ta bezig ta pasando ley pa proteha e pasaheronan, como cu nan ta uzando Aruba como un plataforma pa bula y esakinan lo bin na vigor pronto, caminda tur aerolinea tin cu cumpli cu nan tambe. Awor aki ta deal cu e aerolineanan den un fase tempran pa purba, cu si ta expect cu lo bay tin problema, pa laga e pasaheronan no check in y esunnan cu ta yega si tin problema, pa por sacanan, coy nan maleta, sali for di douane, na un manera mas lihe posibel.

Cos a calma:

Tin cu bisa cu cos a calma basta, pero ta den un mundo di aviacion. Tur dia cos por cambia. E ta un mercado hopi vulnerabel y rond mundo por wak cu cos por cambia hopi lihe. Di parti di aeropuerto ta percura pa cumpli cu e reglanan internacional manera mester ta, pa por garantisa e pase trankilidad na tur usuario, segun Benschop.

 

 

Next Post

Congress' Broken Promesa For Puerto Rico - Investor's Business Daily


Investor's Business Daily

Congress' Broken Promesa For Puerto Rico
Investor's Business Daily
(Andre Jenny Stock Connection Worldwide/Newscom). PETER ROFF ... Meanwhile, the unemployment rate surged to 11% and, over the last decade, an ongoing recession has driven nearly a tenth of the population off the island to other parts of the U.S. or ...

and more »