Tanya buscando su famianan aki na Aruba

admin

ORANJESTAD (AAN) – DIARIO a ricibi un email cu e peticion cu e peticion si por yuda pa busca famia di Tanya Malcolm na Aruba.

Tanya su berdadero nomber ta Valerie Maica Carolina, naci dia 3 di September 1978 na Josep Brant Memorial Hospital na Burlington Ontario. Su mama Marlene Yvonne Irwin ta di San Nicolas Aruba, naci dia 11 di March 1951.

E tata no tabata sa di e embarazo pero e tempo ey tabata tin 50 aña, pero no sa su nomber y tambe ta biba na Aruba. E mama Marlene a move pa Canada pa casa cu Allan Lloyd Fiedtkou na 1978 y ora nan a casa, Marlene a haya sa cu e ta na estado.

Ora cu e baby a nace a Sali na cla cu e no ta yiu di Allan y ta di un otro tata prome cu Marlene a bay biba na Canada, y el a wordo duna pa adopcion 1 luna despues cu el a nace, pero Marlene tabata bishita su yiu varios biaha y tabata haya e adopcion hopi duro pe. E  tabata dune pecho den su prome lunanan di bida.

Papelnan a wordo firma y dia 25 di September 1978 el a wordo entrega pa adoption, pero te na Augustus 29, 1979 tur cos a keda legaliza. Marlene y su casa Allan ta biba na Ontario Street.

Pero e amiga cu a manda e email pa Tanya ta na altura cu Marlene tin famia na Aruba na momento cu el a haya yiu, un ruman muher di 29, ruman di 26, ruman homber di 21 y ruman muher di 21, cu nan ta asumi cu nan tin e fam Irwin. E mama di Marlene, wela di Tanya e tempo ey tabata tin 55 aña di edad.

E welo a fayece cu 55 aña. Segun informacion e welo tabata di Guyana y tabata decendiente di Escocia y Portugues. Loke nan tin informacion di e tata di Tanya ta cu e ta di Aruba, e tabata mitar Indian y mitar color scur, e tabata den su 50 y tabata tin su propio negoshi di contractor di metal, y no tabata na altura di e embarazo.

E amiga awor ta buscando su mama, rumannan y demas famia na Aruba pa bin den contacto cu nan. Por yama na DIARIO pa esnan cu tin informacion.

E foto ta tempo cu Tanya tabata chiquito.

 

Next Post

AVP ta bisa cu no por purba censura hende den parlamento a base di su expresion pafo

ORANJESTAD(AAN): Ta mira cu na momento cu un persona ta expresa su mes en contra, of en todo caso, no di acuerdo cu bo pensamento, bo ta bis’e, cu no mag di drenta e edificio mas. Parlamento ta cas di pueblo segun Marlon Sneek di AVP a declara riba Diamars. […]