Taekwondista Chiara Petrocchi a logra medaya di Oro pa Aruba den e Weganan Suramericano Hubenil Santiago 2017 na Chile

admin

ORANJESTAD (AAN): Diasabra atardi tabata e ultimo speransa pa Aruba logra un medaya mas na Chile ora cu e atleta di taekwondo Chiara Petrocchi a mira accion den e Polydeporte den e Compleho Olimpico chileno. Mester bisa cu a apoya pa henter e delegacion di Aruba, e atleta Petrocchi a bringa su prome combate contra di Peru cual Chiara a gana convincente cu score abulta. Sinembargo e speransa pa logra Oro a bini despues cu Chiara a gana den e combate semi final contra di Uruguay unda Chiara ta aplasta su contrincante cu e score di 31 – 10.

Mas cu claro e nervionan tabata super halto ora Chiara mester a enfrenta e fuerte contrincante di Brazil. Den e combate final e prome rond a bay 1 – 1 pero den e di dos rond e pugil Arubano a demostra confiansa y ta bay dilanti pa 9 punto. Den e di tres rond ya caba e medaya di Oro tabata un hecho, nada no por a bay robez mas. Mas cu claro e delegacion di Aruba a celebra esaki na grandi cu grito y aplauso.

Momento di orguyo ora nos tono glorioso Aruba Dushi Tera a zona den e Polydeporte yena cu fanatico cu a admira y aplaudi e bunita logro di Aruba.

Manera un periodista brasilero a comenta; “Di unda boso a saca e rumannan Petrocchi aki? Nan ta di otro mundo”, referiendo na Sophia y Chiara Petrocchi. Ambos atleta a enfrenta un atleta Brasilero den final na Chile.

Pabien Chiara. Aruba ta orguyoso dibo. Info y photo ta pa cortesia di Comite Olimpico Arubano.

 

Next Post

Costa Rica kwalificeert zich voor WK na late gelijkmaker tegen Honduras

Costa Rica heeft zich in de nacht van zaterdag op zondag gekwalificeerd voor het WK in Rusland na een 1-1 gelijkspel tegen Honduras. Het land had nog één punt nodig om zich te plaatsen. De wedstrijd tussen Costa Rica en Honduras stond eigenlijk vrijdag al op het programma, maar door de […]