Ta investiga documentonan dudoso usa door di pasaheronan stranhero na Inmigracion Aeropuerto

The content originally appeared on: Diario

Procurador General a pone esaki den man di LandsRecherche

ORANJESTAD (AAN): Un persona femenino kende a yega Aruba procedente di un pais cu ta exigi pa Visa pa por drenta e isla aki, a djis presenta un biaha mas cu un carta firma pa Ministro ora e ta bandonando e isla, y na bali di Inmigracion na Aeropuerto a mustra e documento aki cu lo garantiza su entrada bek na e isla.

   Esaki y posible algun otro mas, tabata suficiente pa oficialnan di Inmigracion a hisa bandera cora, como cu e sistema aki di carta cu no ta traha ni riba un zegelpapier, ni tin stempel di Departamento di DIMAS, no ta corecto den un operacion asina delicado cu ta encera e ley di LTU pa Aruba.

   E alertanan aki a logra yega na atencion di Hefenan na Inmigracion, cu a dicidi na notifica Ministerio Publico riba e caso dudoso aki.

   Basa riba e indicacionnan aki di Inmigracion di Aruba, Procurador General kier a haya claridad riba e supuesto iregularidadnan aki durante control di Inmigracion di Aruba (IA) riba documentonan di viahe di dos persona cu tabata saliendo di Aruba.

   Aki ta unda cu Procurador General di Aruba a duna LandsRecherche e ordo pa cuminza cu un mision di investigacion, pa haya sa hechos.

   Pues awor e ‘Feitenonderzoek’ aki di LandsRecherche ta cuminza, y lo bay revisa e documentonan cu e oficialnan di I.A. (antes conoci como IASA) lo a ricibi di e viaheronan stranhero aki.