Ta bay traha un proyecto di 54 kilometer di ‘Mountain Bike Trails’

The content originally appeared on: Diario

Ronella Croes, CEO di Oficina di Turismo:

*Palapanan na Arashi y Boca Catalina tambe lo wordo drecha 

ORANJESTAD (AAN):  Durante e anuncio di e proyecto di embeyecimento na Mangel Halto, CEO di Oficina di Turismo (ATA), Ronella Croes, a anuncia cu banda di e proyecto aki tin como intencion tambe pa drecha e palapanan na Arashi y Boca Catalina.

            Croes a sigui bisa cu tur e boeinan cu tin den diferente zona na lama esaki lo continua na 2023. ATA tin bao su encargo e parti aki tambe.

            El a expresa palabranan di agradecimento na Fundacion Parke Nacional Aruba, ya cu den dialogo pa otro proyectonan, manera ponemento di ‘bareranan’ den areanan unda tin duin pa asina por blokia e trafico cu no ta permiti den e areanan aki.

            Esaki tambe ta ehempel di proyectonan cu ta bunita pa subraya y cosnan cu por tin hopi impacto,  bisa.

            Banda di esaki, e ta hopi contento di remarca cu tin e ekipo completo cu tin na su encargo e ‘setup’ di e ‘mountain bike trails’. Lo mira hopi di esaki den e proximo simannan y lo duna e atencion debido na e parti aki cu ta un bunita proyecto di 54 kilometer di ‘mountain bike trails’, Croes di ATA a indica.

            ATA lo sigui cu su compromiso pa cu e playanan, banda di e aspecto cultural, di naturalesa y pa sigui inverti parti di e fondonan cu ta bin di turismo, sigui inverti esakinan den turismo na beneficio di e turistanan y di e comunidad, e CEO di ATA a expresa.