SVb ta trahando riba un App pa e trahadornan

The content originally appeared on: Diario

Edwin Jacobs, director:

ORANJESTAD (AAN): Director di SVb, Edwin Jacobs a duna di conoce cu recien nan a lansa un aplicacion (App) pa pensionadonan y ta desaroyando e App pa e trahador.

            A sigui bisa na momento cu tin un App tin acceso na bo informacion na SVb pa por haya sa si bo ta registra of no y pa cual dunador di trabao, kico ta bo salario cu bo ta wordo sigura cu ne. Ta bay ta transparente pa cu e trahador pa e por haya e informacion aki tambe.

            Esaki tabata mas prome riba nan plan. 15 di November 2019 a cuminsa cu e web portal pa e dunador di trabao caminda cu el a haya acceso directo na tur informacion di su compania y di su trahadornan. E siguiente aña mester a pas’e bek pa e trahador. Pandemia a yega y loonsubsidie tin SVb ainda ocupa, a splica.

            Pero na e momentonan aki, e compania ta desaroyando e App pa e trahadornan caminda nan ta haya acceso na e informacion y nan sa si nan ta registra si of no, Jacobs a duna di conoce.

            Semper e emailnan di SVb ta disponibel den caso cu un trahador kier duna algun tip of informacion y SVb lo percura pa haci nan investigacion discretamente, a remarca.