SVb cu proyecto piloto pa acelera cita cu Psicologo pa trahadornan di gobierno

admin

Dr. Mynor Genser, docter di control:

ORANJESTAD (AAN)— Pa un empleado publico wordo wordo yuda pa un Psicologo, e tin cu pasa den un proceso largo, un Caminda di Cruz, pa cual SVb ta buscando un solucion.

Esaki a bin dilanti durante e entrevista di Matutino DIARIO cu dr. Myron Genser, pa ken e salud mental di e pacient ta sumamente importante.

Pa aplica pa un Psicologo e trahador di sector publico, como pacient, mester a haya un verwijsbrief for di docter di cas, pero prome cu e haya esaki e mester a pidi un carta di referencia na su doño di trabao (Lands Aruba) pa despues bay pidi su verwijsbrief, y tur esaki ta encera un proceso largo.

“Un persona cu ya caba tin un problema mental- psicologico no ta desea di cana un Caminda di Cruz asina largo y no ta bunita pa pone e pacient cana un trayecto asina mientras e ta pasando un momento menos bunita den su bida”, dr. Genser a expresa.

“Den deliberacion nos a purba di wak kico nos ta haci pa soluciona e situacion aki pa yena e bashi cu nos tin, actualmente, y nos a bin cu e idea pa busca un Psicologo cu por ofrece tambe e servicio pa: 1. Nos organizacion mes como SVb cu tambe ta un necesidad pasobra e ta hayando cambionan grandi den e curso di añanan. 2. Pa e pacientnan di dr. Jimenez y mi persona como empleadonan publico, pa wak si tin ora nan tin mester di sosten. Nan no tin nodi di manda nan docter di cas cu carta di doño di trabao, pa despues duna nan verwijsbrief. No, cerca mi di biaha mi ta bisa ‘pacient x’ mester yudanza psicologico, mi mes ta verwijs na e psicologo cu nos ta traha cune, pa e haya un cita no mas tarda despues di un siman”, dr. Genser a duna di conoce.

Esaki ta un proyecto piloto pa wak con e sistema aki ta bay. “Pasobra actualmente ta asina cu pa haya cita cu un psicologo e pacient mester warda te Februari or Maart, pero no ta bon pa un hende cu ta den un problema of dificultad warda asina hopi, mientras tanto cu nos por cuminza di biaha pa yude pa e por deal cu e problema cu e ta aden”, e docter a subraya.

Actualmente e proyecto piloto aki ta cuminza cu trahadornan di gobierno. Departamento di Recurso Humano di Gobierno tambe a bay di acuerdo pa purba hacie. “Nan tambe a sinti necesidad di esaki den pasado, pero na comienzo di 2018 ta bay wak con esaki ta bay. Eski ta un bashi cu tur, tur dia, e ta corda mi take care di dje. No ta pasa un dia sin cu mi bisa ‘awe mi no a wak un pacient cu no tabata tin mester di e yudanza aki. Mas cu e dianan aki ta masha den prensa, y ta wordo papia di salud mental, door di e caso cu a pasa, pero e ta algo cu ta sosodiendo for di hopi tempo caba. Kiermen, e ta un beneficio pa Aruba. E ta tog costoso pero e beneficio bo ta wak’e despues”, docter Genser a subraya.

El a menciona cu tur e proceso cu e pacient tin cu pasa aden prome cu e haya e ayudo psicologico ta pone duda si e ta bay of no, y na final e por keda sin bay y bisa “e ta pasa…” te e dia yega cu tin consecuencia. “Y nos no kier esey, nos kier mantene e hendenan saludable no fisicamente so pero mentalmente, na cas y na trabao”, dr. Myron Genser a señala.

 

 

 

Next Post

Atrobe ta Ministro di MEP tin di drecha situacion financiero

Parlamentario Setty Christiaans-Yarzagaray: ORANJESTAD (AAN): Tratando ley di presupuesto supletorio den parlamento di Aruba a tuma nota cu miembro di oposicion a cataloga resultadonan di e presupuesto supletorio como artificial. Ya cu uza consehonan di Raad van Advies ta molestianan, nos ta uza e ora tambe cifra di e instancia […]

SVb cu proyecto piloto pa acelera cita cu Psicologo pa trahadornan di gobierno

admin

Dr. Mynor Genser, docter di control:

ORANJESTAD (AAN)— Pa un empleado publico wordo wordo yuda pa un Psicologo, e tin cu pasa den un proceso largo, un Caminda di Cruz, pa cual SVb ta buscando un solucion.

Esaki a bin dilanti durante e entrevista di Matutino DIARIO cu dr. Myron Genser, pa ken e salud mental di e pacient ta sumamente importante.

Pa aplica pa un Psicologo e trahador di sector publico, como pacient, mester a haya un verwijsbrief for di docter di cas, pero prome cu e haya esaki e mester a pidi un carta di referencia na su doño di trabao (Lands Aruba) pa despues bay pidi su verwijsbrief, y tur esaki ta encera un proceso largo.

“Un persona cu ya caba tin un problema mental- psicologico no ta desea di cana un Caminda di Cruz asina largo y no ta bunita pa pone e pacient cana un trayecto asina mientras e ta pasando un momento menos bunita den su bida”, dr. Genser a expresa.

“Den deliberacion nos a purba di wak kico nos ta haci pa soluciona e situacion aki pa yena e bashi cu nos tin, actualmente, y nos a bin cu e idea pa busca un Psicologo cu por ofrece tambe e servicio pa: 1. Nos organizacion mes como SVb cu tambe ta un necesidad pasobra e ta hayando cambionan grandi den e curso di añanan. 2. Pa e pacientnan di dr. Jimenez y mi persona como empleadonan publico, pa wak si tin ora nan tin mester di sosten. Nan no tin nodi di manda nan docter di cas cu carta di doño di trabao, pa despues duna nan verwijsbrief. No, cerca mi di biaha mi ta bisa ‘pacient x’ mester yudanza psicologico, mi mes ta verwijs na e psicologo cu nos ta traha cune, pa e haya un cita no mas tarda despues di un siman”, dr. Genser a duna di conoce.

Esaki ta un proyecto piloto pa wak con e sistema aki ta bay. “Pasobra actualmente ta asina cu pa haya cita cu un psicologo e pacient mester warda te Februari or Maart, pero no ta bon pa un hende cu ta den un problema of dificultad warda asina hopi, mientras tanto cu nos por cuminza di biaha pa yude pa e por deal cu e problema cu e ta aden”, e docter a subraya.

Actualmente e proyecto piloto aki ta cuminza cu trahadornan di gobierno. Departamento di Recurso Humano di Gobierno tambe a bay di acuerdo pa purba hacie. “Nan tambe a sinti necesidad di esaki den pasado, pero na comienzo di 2018 ta bay wak con esaki ta bay. Eski ta un bashi cu tur, tur dia, e ta corda mi take care di dje. No ta pasa un dia sin cu mi bisa ‘awe mi no a wak un pacient cu no tabata tin mester di e yudanza aki. Mas cu e dianan aki ta masha den prensa, y ta wordo papia di salud mental, door di e caso cu a pasa, pero e ta algo cu ta sosodiendo for di hopi tempo caba. Kiermen, e ta un beneficio pa Aruba. E ta tog costoso pero e beneficio bo ta wak’e despues”, docter Genser a subraya.

El a menciona cu tur e proceso cu e pacient tin cu pasa aden prome cu e haya e ayudo psicologico ta pone duda si e ta bay of no, y na final e por keda sin bay y bisa “e ta pasa…” te e dia yega cu tin consecuencia. “Y nos no kier esey, nos kier mantene e hendenan saludable no fisicamente so pero mentalmente, na cas y na trabao”, dr. Myron Genser a señala.

 

 

 

Next Post

Atrobe ta Ministro di MEP tin di drecha situacion financiero

Parlamentario Setty Christiaans-Yarzagaray: ORANJESTAD (AAN): Tratando ley di presupuesto supletorio den parlamento di Aruba a tuma nota cu miembro di oposicion a cataloga resultadonan di e presupuesto supletorio como artificial. Ya cu uza consehonan di Raad van Advies ta molestianan, nos ta uza e ora tambe cifra di e instancia […]