Storing den e planta nobo RECIP IV a causa e black-out

The content originally appeared on: Diario

N.V. ELMAR:

ORANJESTAD (AAN): Diahuebs alrededor di 1.52 pm Aruba henter a keda sin coriente. Di parti di N.V. ELMAR di biaha a mobilisa tur tecnico pa asina ta pendiente di e situacion.

            For di WEB Aruba N.V. a ricibi informacion cu ta debi na problema cu a surgi den e planta nobo RECIP IV algo prome cu 2pm. Un storing den e planta aki a causa e black-out.

            Pa mas o menos 2.36pm N.V. ELMAR a wordo notifica door di WEB Aruba N.V. cu por a cuminsa suminstra coriente back den algun area. Savaneta te cu Santa Cruz a ricibi coriente prome, sigui pa 2.43pm Balashi, Hooiberg, Angochi, Matividiri, pa 2.46pm Matividiri, Ayo, Cashero, Zumbo, Sjabururi, Siribana, Seroe Compa, Angochi, Sabanilla Abao, Santa Lucia, pa 2.53pm area Pricemart, 2.53pm area Plaza Padu, pa 2.54pm Paradera un parti, pa 2.57pm Seroe Biento y Seroe Blanco, pa 2.59pm Aeropuerto Internacional Reina Beatrix, pa 2.59pm Dakota, 3pm Area Cumana, pa 3.06pm Oranjestad, pa 3.06pm Eagle, pa 3.08pm area Manchebo Beach Hotel y area di Fatum, pa 3.11pm area Paardenbaai, pa 3.15pm unparti di Noord, Ponton, un parti di Tanki Leendert, pa 3.18pm area CMB Oranjestad, Dominicanessenstraat, pa 3.22 area Bubali, Palm Beach, hospital, La Cabana, pa 3.25pm parti di Colony te cu Savaneta, pa 3.25 parti di Noord, pa 3.38 Sunset Villas, area Palm Beach Plaza, area Brickel Bay, Marriott Hotel, pa 3.38pm Salinja Serca, pa 3.40 Noord henter.

            Den e area di Palm Beach y Buccaneer Restaurant a drecha un liña di halto tension, pero pa 4.16 tur hende tabatin coriente back.

            For di e momento di e black-out nos tecniconan tabata den comunicacion constante cu WEB Aruba N.V. Alavez N.V. ELMAR a percura pa mantene pueblo constantemente bon informa via su pagina di Facebook.

            N.V. ELMAR ta gradici pueblo di Aruba pa e pasenshi y comprension pa cu e fayo den distribucion di coriente cu tabata fuera di nos alcance. Alaves N.V. ELMAR ta gradici su tecniconan y su team completo pa a atende cu e black-out te ora cu e ultimo area afecta a wordo suministra bek cu coriente.