Stephan van Spaandonk a bira CEO nobo di InselAir Aruba

admin

ORANJESTAD (AAN): Manera a bira conoci, Frederick Nuboer a manda su carta di retiro, indicando cu entrante 1 Februari 2017 e no ta Chief Executive Officer mas di InselAir Aruba.

Awor Stephan van Spaandonk, kende ta e actual Chief Maintenance Officer di e compania, lo tuma su lugar over entrante e fecha menciona.

Nuboer lo sigui suministra e organizacion cu asesoramento como consehero. 

E decision a wordo tuma den consulta cu gerencia di InselAir y tambe e Hunta di Supervision, y ta parti di un restructuracion organizatorio cu InselAir Aruba a cuminza cune di Augustus aña pasa caba.  Gerencia di InselAir Aruba awor lo bay inclui dos puesto envez di 3, esta un Chief Executive Officer, Stephan van Spaandonk, y Chief Operational Officer, Lutico Hermans.

Stephan van Spaandonk conoce e compania hopi bon.  E CEO nobo aki a cuminza su carera na 10 aña pasa como un Ingeniero na Curacao.  Despues el a bay ocupa e puesto como Director di Mantenimento na Aruba y lo bay ta e CEO nobo di InselAir Aruba entrante Diaranzon otro siman.

Den un declaracion, van Spaandonk a indica cu e ta wak dilanti pa su rol nobo y pa contribui na sigui reforza e puesto di InselAir Aruba den nos mercadonan.

 

Next Post

Ministro Paul Croes a indica cu keto bay e deal di 80% pa trahador local den Refineria ta valido

E ta lamenta cu oposicion kier trece angustia ORANJESTAD(AAN):  Tin problema na refineria of con?  Tin informenan eroneo y pa crea distraccion riba e rehabilitacion di e refineria segun Minister Paul Croes a indica na DIARIO. Sa pasa cu ora bo ta den aña electoral, cu oponentenan politico kier uza […]