Setar ta introduci 2 canal nobo cu contenido di Spaña!

The content originally appeared on: Diario

ORANJESTAD (AAN): Entrante awe Diabierna, 8 di december 2023, clientenan di Cable Digital, Setar Complete y IPTV lo nota dos canal nobo riba nan television.

   Setar ta lansa e dos canalnan, “A3Series” y “A3Cine” como extra contenido pa su usuarionan di Cable prome cu fin di aña. Setar sa e importancia pa brinda contenido nobo pa su usuarionan na cas cu gusta wak television.

   E Canal Antena 3 ta lider di contenido na Spaña y ta ofrece e canalnan ‘A3Series’ y ‘A3Cine’. Setar ta contento di por ofrece e canalnan aki riba su plataforma di Setar Complete, IPTV y Cable Digital.

   A3Series ta dedica na brinda entretenimento y serie original di Spaña, tur presenta den calidad HD 24 ora pa dia. E canal ta ofrece contenido pa tur gusto, edad y ta conta cu un variedad di genero cu ta inclui comedia, romance, drama, suspenso, historia y hopi mas.

   A3Cine ta un canal di excelencia cinematografico Spaño. E canal ta conta cu un catalog di mas di 7.000 titulo di pelicula pa e amantenan di cine. Un canal cu lo brinda e miho den cine mundial.

   Setar Complete y IPTV: Clientenan cu servicio di Setar Complete y IPTV por mira e canal A3Series den HD na canal 73 y A3Cine na canal 74.

  Cable Digital: Clientenan cu servicio di Cable Digital por mira A3Series na canal 101 y HD na canal 361. A3Cine na canal 102 y HD na canal 362.

   Setar ta spera cu e canalnan nobo lo trece hopi entretenimento den e hogarnan na Aruba. Pa mas informacion bishita nos website www.setar.aw of pagina social. Setar ta sigui traha pa brinda nos cliente e miho servicio y experiencia.