Setar NV cu donacion na Beyond Sport Limit Foundation

The content originally appeared on: Diario

ORANJESTAD (AAN): E compania Setar NV, como partner di Beyond Sport Limit Foundation Aruba ta aplaudi y sostene e proposito di e fundacion desde su inicio.

   E aña aki Brainer Lampe y Gerald Moreta, kendenan ta representa e Fundacion, a indica cu nan lo core cu 4 hoben cu limitacion durante e gran careda di ‘Ronde van Aruba’.  Nan a indica di lo haci esey, pa asina brinda nan un experiencia unico y alavez sigui empodera y inspira personanan cu limitacion pa logra nan metanan y kibra bareranan di limitacion den e area di deporte.

   Si tin mas hende cu tambe kier aporta na e proposito di e fundacion, awor tin un forma facil pa haci un donacion.  Bo por manda e donacion via e app di Pay.aw caminda bo ta djis bay na e opcion di ‘Good Deeds’, y ey bo ta haya e grupo aki di ‘Racing Hope for All’.