Setar cu fabuloso donacion na tres Fundacion

The content originally appeared on: Diario

ORANJESTAD (AAN): E compania Setar NV durante henter aña ta aporta na diferente instancia y fundacionnan cu ta yuda nos comunidad di un manera of otro.

Desde e pandemia nos fundacionnan tambe ta pasando den momentonan dificil.

   DIARIO a tuma nota, cu pa e temporada di Fin di Aña, Setar a haci un donacion na tres fundacion p’asina nan por sigui duna sosten na comunidad y tambe na nos mascotanan.

   Representantenan di Setar a haci entrega di 5.000 Florin na Fundacion Santa’s Cause cu ta reparti regalo pa nos muchanan y hobennan di menos recurso durante e temporada di Fin di Aña. Fundacion Stimami Sterilisami a ricibi un donacion di 10.000 Florin p’asina por sigui cu nan programa di sterilisacion di pushi y cachonan cu ta na cas of riba caya. Y Fundacion Pa Nos Comunidad a haya un donacion di 15.000 Florin na comestibel y alimentonan basico pa por sigui yuda esnan den necesidad. 

   Asina aki SETAR, como nos compania nacional di telecomunicacion, ta sigui aporta na nos comunidad cu e meta semper pa haci un diferencia y yuda nos comunidad realisa cada meta un pa un.