SETAR a firma acuerdo cu Telearuba pa transmision di FIFA 2022

The content originally appeared on: Diario

ORANJESTAD (AAN):  Diahuebs atardi SETAR a firma e acuerdo cu Telearuba pa ta partner oficial den transmiti e weganan di FIFA 2022 pa e comunidad di Aruba.

            SETAR ta al tanto cu e fanaticada di futbol na Aruba ta hopi grandi y cu nan ta en espera di e weganan na Qatar cu lo cuminsa diadomingo awo, 20 di november via Telearuba.

Pa e motibo aki tambe SETAR a mira e importancia pa ta un partner oficial di e transmision di FIFA 2022, hasiendo posibel pa tur e weganan di futbol por wordo pasa na Aruba via Telearuba.

            Riba imagen por mira Director di Telearuba Sr. Giovanni Kock y Marketing Manager di SETAR Sra. Roxana Ras ta firma. Tambe tabata presente na e ocasion special aki su Excelencia Minister encarga cu Telecomunicacion Sr. mr. Geoffrey Wever.

            Disfruta di e weganan di FIFA 2022 na Qatar diadomingo awo cu lo ser transmiti pa Telearuba.