Segundo ronde di informacion mas cerca di bo

admin

Encuentro Politico Constructivo II:

ORANJESTAD(AAN)– Encuentro Politico Constructivo tey un biaha mas cu un ronde nobo cu e mesun proposito pa asina sigui educa y informa tur hende na Aruba, en especial e Millennialnan, pa asina nan tin tur informacion pa asina vota conciente durante eleccion benidero.

E biaha aki a opta pa un formato mas informal unda a invita tur partido cu ta participando den e eleccion binidero pa assisti na un anochi informativo special pa cada partido.

Durante cada anochi lo ta bai tin presente varios candidato presente cu por elabora riba topico di interes. Pa medio di e formato aki, e grupo kier brinda publico e oportunidad pa ta mas informa riba e punto di bista di cada partido y alabes na cada partido e oportunidad pa comparti nan punto di bisti cu e grupo votador di Aruba.

Prome cu cada evento, lo recorda pueblo ta cua partido ta na turno y alabes duna pueblo en general e oportunidad pa haci nan pregunta via e Facebook pa  medio di un comment bou di e post.

Alabes, nos ta brinda tur esnan presente e oportunidad pa haci preguntanan live y anonimo na e candidatonan.

Durante e anochinan aki lo toca diferente topico manera educacion, problemanan social, medio ambiente, cultura y deporte.

E grupo di Encuentro Politico Constructivo ta avisa cu pa esnan cu kier

atende e sesionnan cu cupo ta limita. Si ta interesa pa ta presente na un of mas sesion por pasa busca ticket na Colab ( Ananastraat #4) pa solamente 5 florin.

E prome encuentro lo ta cu e partido MEP cu lo ta tumando lugar dia 22 di augustus. Esaki lo wordo sigui pa RAIZ dia 28, POR dia 31 di augustus, AVP dia 4 di september, CURPA dia 6 di september y UPP/ PPA dia 13 di september.

Next Post

Antraco Copy Plus a haya bishita di ladronnan

ORANJESTAD     (AAN):   Alarma di Antraco Copy Plus a activa dialuna marduga y di biaha patrol ta bay na e sitio y topa cu e porta di glas na entrada di e luga destrui, y a haya un bloki benta abou na entrada. Polis a presenta na e sitio pero e […]