Saturno a gana 25 mil cu wega di Zodiac

The content originally appeared on: Diario

ORANJESTAD (AAN): Un di e weganan mas gusta na Lotto ta esun di Zodiac.

  Bo ta escoge un number consistiendo di cuatro cifra, y agrega un signo zodiacal y ya bo ta den wega.   Loke Saturno a haci, ta escoge numbernan loco ora di a bay cumpra su ticket.

   Diaranson el a acudi na oficina di Lotto pa reclama su premio.  Ora cu nan a scan e barcode di su ticket, e computer a confirma cu el a gana 25.000 Florin cu e sorteo di Zodiac Merdia.

   Mesora a sigui cu e proceso pa transferi e premio electronicamente pa su cuenta di banco.  Saturno a bisa cu e ticket ganador el a cumpra na Lucky Angel.