Santa Rosa lo tene nan prome ‘Pop Up Market’ dia 2 di Maart

The content originally appeared on: Diario

ORANJESTAD (AAN): Despues cu aña pasa Departamento di Agricultura, Cria y Pesca Santa Rosa a bin na e idea pa cuminsa

cu algo chikito pa nos productornan local cu a resulta den un ‘Pop-Up Market’ exitoso. Awor ta cla pa continua cu esaki den luna di maart venidero.

            Hopi ta esnan cu a haya e idea aki uno interesante y sigur a wordo sosteni pa e bishitantenan mirando e acogida cu esaki a haya durante 2023. Hopi ta esnan cu a encanta e idea pa motibo cu eta den un escala mas chikito y ta duna e oportunidad na e clientela pa mira y probecha di un of otro producto fresco mas facil. Sin mucho molester por yega cumpra y sigui cu otro compromisonan. Ta simplemente un cantidad di 15 productor local cu tin un of otro producto fresco na e momento ey por yega na remarke den nos Pop-Up Market. Claro kier ten’e den un escala mas chikito pa asina facilita tur bishitante y sigur tambe e productor por sali mas fail for di nan producto fresco cunan tin na e momento ey pa ofrece.

            Faltando apenas un luna pa e Pop-Up Market cu lo ta planea pa tuma lugar riba diasabra dia 2 di maart venidero.

            Orario lo ta for di 8’or di te cu 11’or di mainta caminda Aruba completo por bishita y hasi nan compras riba e diasabra aki.

            Ta invita e pueblo di Aruba pa marca e fecha aki cu ta diasabra 2 di maart pa bishita e Pop-Up Market y disfruta haciendo bo compras di e productonan fresco cu lo bai tin pa ofrece aki mes na Santa Rosa.