Registro digital na SVb ta tuma lugar diariamente

admin

ORANJESTAD   (AAN): Awor aki tin un grupo di mas of menos 500 empresa cu a cay na remarca pa haci uzo di e sistema di registro digital na SVb. Diariamente awor aki ta hayando inscripcion. No por bisa cu e cantidad ta grandi pasobra awo apenas el a cuminsa.

Ta un proceso cu hende tin cu custumbra cun’e. Tur dia tin inscripcion ta drentando den forma digital. Esey ta un bon bista di e uzo cu hende lo por haci den futuro tambe.

Na remarca

Christiaan Garcia di SVB a sigui splica cu e 500 empresanan aki ta cay na remarca na momento cu nan entrega un formulario cu nan a manda luna pasa, cu mester actualisa nan informacion di full empresa, esta si adres, telefon, emailadress, cual ta esun di mas importante, mirando cu ta mediante email ta trata.

E empresanan cu a entrega e formulario aki y cu tin full informacion entrega, ta cay na remarca. En total 800 empresa a reacciona caba, di cual 500 a entrega e formulario completo cu email address. Esey ta importante, door cu ta un forma digital, tin cu comunica cu e empresa mediante algo.

Email ta hopi importante. Esnan cu a cumpli cu tur rekisito a cay na remarca y tin e opcion aki disponibel.

 

Next Post

Smartcard standard color blauw di Arubus lo caduca na October

ORANJESTAD   (AAN):  E aña aki na October proximo, tur standard smartcard, esnan color blauw, lo ta caduca. Tur lo caduca na October. Sa cu tin rond di un 10 mil usuario di bus cu ta caduca, pero ya for di Juli caba a cuminsa renoba esaki. Esaki tambe a mira […]