Recherche Oranjestad a detene un hende mas pa soborno

The content originally appeared on: Diario

Relaciona cu caso di Radi Khan…

ORANJESTAD (AAN): Tabata Diabierna atardi cu Vocero Lito Lacle di Polis, a confirma cu autoridadnan hudicial a detene un persona mas, cu ta liga relaciona cu e investigacion rond di e recien detencion di e homber Radi Khan pa cu asuntonan investigacion di pa cu tumamento di placa sin cu a regla nada pa cu papelnan di permiso.

   Relaciona cu e caso aki andando pa cu soborno (tuma placa bao mesa), di cual ya den prome siman di April a detene Radi Khan naci na Curacao.  Riba Diabierna, Recherche Oranjestad a detene den mesun caso e muher N.B. Dabian di 51 aña, naci na Colombia.

   Tin indicacion cu Radi Khan tabata ricibi e placa y e ta canaliza e trabao logistico di regla permiso, via e muher N.B. Dabian.  Tur e formalidad aki ta contra tur regla, y pesey awor e investigacion ta sigui su rumbo.

   Segun vocero Lacle, el a bisa cu Recherche Oranjestad ta pidi si tin persona cu a duna un di e sospechosonan aki placa pa supuestamente regla un permiso di estadia of pa permiso di trabao pa nan por pasa libremente na oficina di Recherche Oranjestad (ta ser yama ‘DAR-1’) na Wayaca y entrega keho. 

   Pa Cuerpo Policial por resolve mas caso cooperacion y informacion di pueblo di Aruba ta hopi importante, pesey ta pidi si bo tin cualkier informacion yama  tiplijn: 111-41.  Nan ta garantisa cu bo ta keda anonimo.