Pueblo lo bay paga “double inflacion” cu e tarifa di Awa y Coriente

The content originally appeared on: Diario

Frans Ponson di CUA:

ORANJESTAD (AAN):  Frans Ponson di e organizacion CUA (Comerciantenan Uni Aruba), ta kere cu algo tin di wordo haci cu e asina yama ‘Douanefactuur waarde” cu Aduana di Aruba ta cobra pa asina bo paga impuesto di importacion.

   Tin cierto cosnan inhusto cu ta pasando aki, y envez cu Aduana duna un man pa yuda mantene inflacion na Aruba mas abao, e ta haciendo net lo contrario.

   Hopi comerciante na Aruba ta man na cabez cu e prijs halto di transporte e dianan aki.  Tur esaki ta algo cu nan tin di bay paga extra.  Pero e di dos cuchiu den lomba ta ora cu e container yega Aruba, y aki Aduana ta bay cobra impuesto riba e prijs di producto, plus e prijs di costo di transporte.

   Frans Ponson ta opina cu esaki ta loke ta pone cu inflacion ta subiendo na Aruba drasticamente, y ta pidi atencion di Gobierno riba esaki.  Aunke te ainda no a haya contesta riba esey.

   Fuera di esey, Ponson ta adverti cu pueblo lo bay paga “double inflacion” cu e tarifa di Awa y Coriente.  Bo no ta djis bay paga esaki na WEB Aruba NV of na NV Elmar!  Lo bo bay pag’e tambe na e comerciante cu debi na e aumento di tarifanan aki, lo bay hisa nan prijs tambe! aki

  Si no ta atende cu e asuntonan y ta bay keda subi prijs pa tur hende, e ta bay bira absurdo. “Si nos prijsnan ta absurdo, si esey ta berdad, cualkier un otro comerciante rond mundo nan wowo lo habri y bisa, hey, e guynan aki ta bendiendo un cos ridiculo. Nan ta bin Aruba nan ta haci’e. Cuanto inversionista internacional nos tin riba Aruba? Si berdad nos ta ganando e placa cu gobierno ta pinta nos ta gana, cu nos ta gana margennan absurdamente, algun otro comerciante na Aruba mes, cualkier hende, si media dicidi di saca un hende y bay cobra 10 mil pa un airco, anto comercio ta paga boso, un otro media ta bin cobra 8 mil toch. E ta normal”, Ponson a remarca.

   El a sigui bisa cu mester stop di papia asina cu comercio ta abusa pasobra si ta asina un otro hende ta bin hacie, baha prijs y coi e negoshi.

  Ta bay yega un caminda cu pueblo ta bay tin hopi dificultad pa paga y e ora ey ta na nan, con ta bay atende cu e cos aki tambe, a finalisa.