Prostitucion ilegal gran parti ta turistanan for di Venezuela

admin

Kathy Paskel di Dimas:

Prostitucion ilegal gran parti ta turistanan for di VenezuelaORANJESTAD   (AAN): Di e parti di salubridad nan lo bay palabra interno. E boluntad tey, segun Kathy Paskel di Dimas.

Awor aki tin cu forma e team y traha e plan di accion y conhuntamente sali.

Asina tambe tin otro departamentonan dependiendo e sector cu lo controla cu lo añadi na e taskforce. E asunto aki tin atencion y pueblo tambe mester tene cuenta cu esaki.

   E otro riesgonan halto tey. Caminda tin sospecho un gran parti ta turista di Venezuela y tin cu a pasa tambe nan temporada como turista. Nan ta monitor esaki cu frecuencia. Dimas ta volg e extension y kende a firma etc. Kathy Paskel hefe di DIMAS a splica.

   Tin dos manera a bin ta detecta e manera con e ta funciona y esaki tin e atencion tambe. Uno ta cu e ta trahando pa e doño di bar y e otro ta cu e ta trahando den e bar, no necesariamente pa e bar, pero cu tin un circuito cu ta sosode bao di e dak di e establecimento ey.

Ambos tin atencion di Dimas. E ta algo cu e pueblo en general mes mester pone atencion na dje, pasobra e tin su riesgonan grandi tambe pa salubridad publico manera ya menciona.

Fuera e ta ilegal y e ta en pugna cu e leynan di admision. Tin otro riesgonan halto cu kisas ta subestima.

   Paskel a sigui splica cu tin diferente manera cu ta topa cu e personanan trahando si ta menciona specificamente unda cu tin sospecho cu e actividadnan ey ta tuma luga, gran parti ta turista, manera ya menciona.

Nan ta den periodo cu ainda nan tabata legal como turista y tambe tin un cantidad cu a topa cu a sobrepasa e periodo cu a otorga na nan como turista y pues nan ta den e fase cu nan a bira ilegal na Aruba caba y den tur manera nan no tabata legal na Aruba. Si ta monitorea esaki cu frecuencia e cifranan.

   Dimas pa e parti di mas tanto cuanto aplicacion tin, extension y tambe permisonan regular y otro departamentonan tin tambe dato di kendenan a drenta y kendenan a sali y kendenan a keda. Tur esakinan ta worde monitorea y tin sigur sigur atencion pa esaki.

   E persona ta constata cu tin algo cu a sosode contra di e leynan di admision. Despues ta sigui cu e persona cu a constata esaki cu ta e toezichthoudende ambtenaar tin cu traha su rapport. E rapport aki ta worde manda.

Despues lo schrijf aan e empresa dune chens pa e por vocifera algo si e ta desea riba e intencion cu tin pa implementa un multa y si e no haci uzo di esaki y no ta kere cu tin suficiente motibo pa para, e ora por procede pa duna un advertencia of multa.

A publica na ki ora ta duna multa y ki ora ta duna advertencia. A presenta riba e website con halto e multa ta. Ta varios empresa a ricibi e multa. E ta un proceso cu ta canando y mester ahusta e ley un poco mas. E ta procesonan cu ta canando. E empresanan ta ricibiendo nan multa.

Esnan cu no ta di acuerdo cune, por apela y den diferente caso e ta canando. No ta algo cu ta un proceso lihe.

Next Post

ATIA ta celebra e prome lustro di “Women In Leadership Conference”

ORANJESTAD     (AAN):  Diaranzon ATIA conhuntamente cu Aruba Bank y Setar Nv. a anuncia e di 5 edicion di e “Women In Leadership Conference” cu lo tuma luga dia 26 di Augustus proximo na Marriott Resort & Stelaris Casino. E tema principal di e aña aki ta: “Building Female Role Models”, […]