Prome Ministro a confirma cu desaroyadornan di Secrets Hotel lo continua cu e proyecto apesar di tardanza

The content originally appeared on: Diario

ORANJESTAD (AAN): Prome Minister Evelyn Wever-Croes a ricibi representantenan di Secrets Hotel, despues di cu a para e proyecto a consecuencia di un decision di corte. 

Mientrastanto mester bisa cu tur e rekisitonan a worde cumpli cu ne pues e proyecto lo por cuminsa back.

   Den e encuentro cu e desaroyado, Prome Minister a worde informa di e bon noticia cu nan ta sigui interesa den Aruba, a pesar di e tardansa. Awo ta importante pa wak con ta atende cu e tardansa y e terminonan cu ta indica pa e proyecto.

   Secrets Baby Beach Aruba ta un proyecto sumamente importante pa Aruba specialmente pa San Nicolas, pa motibo cu e lo stimula actividad economico den e area y e lo crea cuponan di empleo pa nos propio hendenan. Esnan cu ta biba pariba di brug lo tin preferencia pa traha den e proyecto y Minister di labor lo ta encarga cu e parti aki.

   Pa conclui Premier Wever-Croes a remarca cu Gobierno di Aruba lo mira con por asisti e desaroyadonan pa e inversion aki por bira un realidad, y pa Aruba por haya e hotel na San Nicolas.